लूईस रॉड्रिग्स, उजवाड ब्युरो, बेळगांव : आपल्या सरळ, साद्या आनी कश्टी सभावा वोरवीं गडहिंग्लज, खानापूर, बेळगांव आनी गोंय हांगा लोकप्रीय जाल्ले वरिश्ठ जेज्वीट पाद्री फादर ऑगस्टीन फर्नांडीस (55) हांका मंगळारा सांजवेळा 7.15 वरांचेर गडहिंग्लज हांगाच्या जेजुईतांच्या निवासस्थानी काळजाच्या तीव्र अताकान सर्गींचे आपोवणे आयलें. गडहिंग्लज हांगा फ़ाल्या बुधवरा सकाळी १० वाजता मीस, त्या उपरांत तांचे निमाणे संस्काराचे मीस फ़ाल्या दनपारां साडेतीन वरांचेर बेळगांवच्या अवर लेडी ऑफ फातिमा कॅथेड्रलांत जातले आनी उपरांत क्लब रोड लागसारच्या क्रिस्तांव शिंमीतरींत तांचे इंतेर जातेले.
सर्गार देवाक लेगीत एका धडाडीच्या आनी उमेदवंत पद्रीची गरज भासल्या आसु येता, म्हणुनच खूब गडबडीन, कोणांक कसलीच पूर्वसुचना दी नासताना फादर ऑगस्टीन हांकां रोकडेच आपोवणे धाडले.ताची इत्सा बळिश्ट मानुया !!
खानापूर तालुक्याच्या संगरगळी गांवांत जल्मिल्ले ऑगस्टीन डिसेंबर २००२ वर्सा पाद्रीपणाची ओड्द जाली. तांणी खानापूर, गडहिंग्लज आनी बागा हांगा सेवा दिल्या. खानापूरांतल्या अवर लेडी ऑफ मिलाग्रिस इगर्ज बांदपाक ताचो व्हड वांटो आशिल्लो; सेंट अँथनी इगर्ज, गडहिंग्लज, बागा हांगा नव्यान बांदिल्लें रिट्रीट हाऊस हांचे बांधकाम लेगीत ताणी केले. हाचेभायर ताणीं बेळगांव आनी सिंधुदुर्ग डायोसीसच्या कांय गांवांनी कपेला बांदली.
८ जुलय दिसा गडहिंग्लज हांगा उजवाड परिवाराच्या जोडपालवान संपन्न जालेल्या अ.भाक़ो.प। च्या स्थापना दिसाचे येवजणांत तांणि मोलादिक मार्गदर्शन केल्ले आनि परिशदेन तांचो भोवमान लेगीत केल्लो. तेच भशेन १५ जुलैक गडहिंग्लज प्यरिशच्या भावर्त्यांनि तांचो ५५ वो जल्मदिस व्हड दबाजान मनयिल्लो.
इगर्जीची बांधकामा आसुं वो मिसवची कामा, फ़ादर ऑगस्टीन सदा धडाडीन वावुरताले.उजवाड बरे भाशेन चलुंक जाय अशें म्हणुन ताणी म्हाका लेगीत सदांच प्रोत्साहन दिले।। अशा ह्या धडाडीच्या आनी कर्तबगार पाद्रीच्या अचानक वचण्यान सबंद घाटमाथो परिसरांत शोककळा पसरल्या. प्रोव्हिन्शियल फ़ादर रोलंड कोयलो, बिशप डेरीक फ़र्नांडीस, बिशप ओल्विन बरेटो तसेच सेंट पौल्सचे रेक्टर फ़ादर सायमन फ़र्नांडीस हाणीं दुख्ख व्यक्त केला.
समेस्त उजवाड परिवारवोरवीं आनी घाट्माथो प्रदेशांतल्या कोंकणी पर्जे वोरवीं ह्या धडाडीच्या कर्तबगार पाद्रीक मोगाची आदरांजली. मोगाळ फ़ादर, आदेवस तुमकां, तुमची याद आमकां सदांच येतली, सर्गा राज्यांत परत आमी मेळुया। तो मेरेन सासणाचो विशेव तुमचे पसोत आमी मागतांव.
तुमी बांदिल्ल्या इगर्जीनि आमी पावल दवरतेले तेन्ना तेन्ना सदांच आमकां तुमची याद येतलीं
तांचे वाडदिसानिमतान सातारच्या सुशिला डायस हिणें बरयिल्लि कविता
बेळगाव , गडहिंग्लज
सिंधुदुर्ग आणि गोया
कोंकणी सुपुता तुवें
तुजी पसरलोय छाया !!
सगळ्यांक बरोबर घेऊन
मग्न जातांय कार्यांत
दिवूंन आधार तांका
रावताय काळजांत !!
निर्मळ ,नितळ मन
मनांत उत्तम विचार
प्रभूची सुवार्ता दिवंक
घेतायं सदा फ़ुडाकार!!
*******
सौ.सुशीला डायस, सातारा
*******
