उजवाड ब्युरो, बेळगाव :टोल घेवपा आड बेळगाव आनी खानापूरच्या शेतकारांनी बेळगांव-गोंय हायवे एनएच 748चेर आशिल्ल्या गणेबैल टोल प्लाझाचेर टोल वसुली विरुद्ध आडखळ हाडली.एनएचएआयच्या अधिकाऱ्यांनी मंगळारा सकाळीं टोल वसुली सुरू केली. पूण गणेबैल टोल प्लाझाचेर व्हड संख्येन कार्यकर्त्यांनी आनी शेतकारांनी प्लाझाचेर आशिल्ल्या बूथ कर्मचाऱ्यांक रोखडोच वसुली बंद करपाक सांगलें. भाजपा फुडारी प्रमोद कोचेरी आनी हेरांनी एनएचएआयच्या अधिकाऱ्यांक टोल पुराय जायसर सुरू करचो न्हय अशी शिटकावणी दिली
बेळगाव आनी खानापूर हांचे मदल्या हायवे चेर एनएचएआयन काम पुराय करूंक ना. कांय खंड आनी सर्व्हीस रोड अजून अपूर्ण आसात. इतलेंच न्हय तर शेतकारांक एनएचएआय कडल्यान मेळिल्ल्या जमनीची भरपाय अजून मेळूंक ना. देखून ह्या म्हामार्गाचेर टोल वसूल करपाक आमी अकाली पांवड्यार खर विरोध केला अशें कोचेरी हांणी सांगलें.
ह्या वेळार उलयतना आदले आमदार अरविंद पाटील हांणी सांगलें, उण्यांत उणें 30 किलोमीटर अंतराचेर आशिल्ल्या म्हामार्गाचेर टोल घेवंक मेळटा. एनएचएआय फकत 16 किमी लांबायेच्या हायवे खातीर करता जें चुकीचें आसा.
अपूर्ण स्ट्रेच पुराय जाले उपरांत टोल चालीक लावपाचें आश्वासन थळार हाजीर आशिल्ल्या अधिकाऱ्यांनी आंदोलनकर्त्यांक दिलें. तशेंच एनएचएआयच्या अधिकाऱ्यांक निवेदन सादर केलो.
