उजवाड ब्यूरो, खानापूर: ९. उत्तर कन्नड जिल्ह्याच्या रान खात्यान संरक्षित काली अभयारण्यांत प्रवास करपा खातीर अनमोड हांगा टोल घेवपाक सुरवात केल्या आनी त्याच फाटभूयेचेर खानापूर तालुक्यांतल्या संरक्षित भीमगड अभयारण्यांत लेगीत टोल वसूल करपाचो प्रस्ताव धाडला अशी म्हायती भीमगड अभयारण्याचे आरएफओ राकेश अर्जुनवाड हांणी दिल्या.
उत्तर कन्नड जिल्ह्याच्या रान खात्यान एप्रीलाच्या निमाणे मेरेन हो आदेश जाहीर केला. आदेशा प्रमाण जोयडा तालुका रान अधिकाऱ्यांनी आपल्या अधिकारक्षेत्रांतल्या चेक पोस्टांचेर टोल घेवपाक सुरवात केल्या. आनी रस्त्यांचेर टोल बूथ उबारल्यात. गोंय ते खानापूर जोडपी हेमाडगा रस्त्याचेर आशिल्ल्या अनमोड फॉरेस्ट क्रॉसिंगाचेर हलके वाहनां वयल्यान 20 रुपया आनी जड वाहनां वयल्यान 50 रुपया घेतात.
ताका मान्यताय दिवपाचें काम सुरू आसा. एकठांय केल्ल्या रक्कमेंतल्यान अर्दी रक्कम टायगर रिझर्व्ह संवर्धनाक वापरतले, जाल्यार उरिल्ली रक्कम रानवटी जनावर संवर्धन निधी खातीर वापरतले अशी म्हायती दिल्या.
थळाव्या लोकांक ह्या टोलांतल्यान सुट दितले, आनी अभयारण्यांतल्यान येरादारी वाडिल्ल्यान अभयारण्याच्या पर्यावरण यंत्रणेचेर परिणाम जावचो न्हय हे खातीर टोल सुरू केला.
राकेश अर्जुनवाड आरएफओ भीमगड अभयारण्या कडल्यान म्हायती.
उत्तर कन्नड जिल्ह्याच्या रान खात्यान एप्रीलाच्या निमाणे मेरेन हो आदेश जाहीर केला. जोयडा तालुका ह्या आदेशाप्रमाण,
गोंय राज्याक जोडपी हेमाडगा आनी कणकुंबी-चोर्ला मार्ग भीमगड वन्यजीव अभयारण्या वयल्यान वतात. सद्या हेम्मडागा रस्त्यांचेर रातच्या वेळार येरादारीचेर मर्यादा घाल्या, जाका लागून रानवटी जनावरांक लागून अपघात जावचे नात. पर्यायी मार्ग उपलब्ध आसले तरी हे सुवातेर सावन येरादारी वाडिल्ल्यान रानवटी जनावरांक हानी जावपाक लागल्या. हें आडावपा खातीर उत्तर कन्नड जिल्ह्यांतल्या रान खात्याच्या नाक्याचेर दोनूय सुवातेर शुल्क घेवपाचो विचार बेळगांव रान अधिकारी करतात. सध्या शेडेगाळी चेकपोस्टाचेर टोल बूथ स्थापन करपाचो प्रस्ताव जिल्लो रान अधिकाऱ्याक धाडला.
