उजवाड ब्युरो :(कोल्हापूर)
फ़ास्कु फ़राशी बारदेस्कर उर्फ़ एफ़.एफ़.सर आनी श्रीराम ज्युनियर कालेज, कुडित्रेचो निवृत्त प्राचार्य , आनी उर्बेवंत पदयत्री आमचो उत्तुरचो मामा काल ब्रेस्तारक अचानक देवाधीन जालो. लेखन, पदयात्रा आनी एफ.एफ. सर हे हालीच्या काळांत एक समीकरण जाल्लें. एफ.एफ. सर हणी आल्लेलुया ही उतरां उच्चार करी मेरेन पदयात्रेकरुंनी लेगीत यात्रेकरुंक पयली पावलां उकल्ली नात.
ताका बरदेस्कर सर, पास्कू काका, पास्कू सर, आल्लेलुय़ा अंकल ह्या नांवान वळखताले. फ़ाटल्या कांय वर्सांथवन ताणी उजवाडांतल्यान आपल्या शैलिदार, सोबीत आनी आपल्या जदुई लेखणिंतल्यान व्यक्ती आनी प्रसंगांचे हुबेहुब वर्णन करपी दर्जेदार लेख बरोवन म्हजेसरक्या हजारांनी वाचप्यांच्या काळजा-मनांत आपले स्थान निर्माण केल्ले.
तांच्या उलोवपांत खूब गोडसाण आशिल्ली. आयज मेरेन ताणें आपल्य़ा संगतींतल्या कोणाकूय केन्नाच बोर केल्लो याद ना. तो आपल्या मृदु आवाजान दुसऱ्यांक पटयतालो. भुरग्यां पासून ते जाण्टे मेरेन सगळ्यांक आदरपूर्वक विचारपूस करतालो.
तो विनोदी विचारांत रमतालो आनी ते आपल्या वांगडा घेवन दुसऱ्याकय तातूंत बुडयतालो.
विनोदांक काळजाथावन हांसप आनी इतले मोठ्यान हांसप की फकाणां समजनातले लेगीत आपोआप हांसतात.
तो पयस वचपी लोकांचो मुखेल आदार आशिल्लो. नव्या पदयात्रींक त्तो प्रोत्साहन दितालो आनी तांकां हांसत गोंयांत हाडटालो. पदयात्रा वेळार फ़ादरांक कसलीच अडचण आयली जाल्यार एफ.एफ. सर व्हड विस्वासान तांचे सांगाता हुबो रावतालो.
हातांत कोंत घेवन तांची मागणी इतली भावार्ती आशिल्ली की लोक तातूंत लीन जाले. कितलीय अडचण येवुंदि, मिसाक केन्नाच चुकनाशिल्लो. अंदूं पदयत्रे वेळार तो म्हजे वांगडा थोडें अंतर चललो पूण त्या थोड्याच काळांत ताणे आमची काळजां-मनां जिखली.
घरकान्न मार्था लेगीत तित्लीच उर्बेवंत आनी तांकां सदाकाल सांगात दिवपी.
अशें सर्वांगीण , सदा हसतमुख , हुशार आनी उर्बेवंत व्यक्तिमत्व आमकां सोडून गेला. तांच्या अचानक वचण्यान सबंद घाटमाथो एका जिगरबाज आनी समजाभिमुख आनी हरहुन्नरी व्यक्तिमत्वाक, एका उमेदवंत लेखकाक सदांच मुकतेलो, हातुंत दुबाव ना.
ताच्या आत्म्याक सास्णाचो विशेव मेळूं आनी ताच्या फ़ामिलिक भुजवण.
– एड.संजय डी क्रूझ कोल्हापूर, मो: ९८२२१०९४३१
