उजवाड ब्युरो, ९ मार्च : कोल्हापूर आनी बेळगांव प्रवास करपी प्रवाशांक एक बरी खबर म्हणल्यार एनडब्ल्यूकेआरटीसी ( वायव्य कर्नाटक रस्तो येरादारी म्हामंडळान ) बेळगांव सावन कोल्हापूर मेरेन दर अर्द वराक आनी परत नॉन स्टॉप बस सुरू केल्या, तातूंतल्यान भौशीक प्रवाशांच्या फायद्या खातीर ही सेवा सुरू केल्या.
बेळगांव ते कोल्हापूर थेट वचपी प्रवाशांच्या सोयी खातीर ह्या मार्गाचेर सकाळीं 07:00 ते सांजे 6:30 मेरेन दर तीस (30) मिनटांनी आनी कोल्हापूर ते बेळगाव अशे दोनी वाटेन वट्ट 24 नॉन स्टॉप बशी सूरू केल्यात.
” वाठारांतल्या लोकां कडल्यान बऱ्याच काळासावन मागणी प्रलंबीत आशिल्ल्यान आमकां बरो प्रतिसाद मेळटा. बशींचो एक थांबो रामदेव लागसार आसतलो आनी निप्पानी वा संकेश्वर हांगा थांबनासतना थेट कोल्हापूराक बसेस पावतल्यो,” अशें के के लामानी, प्रादेशिक नियंत्रक हांणी उजवाडाक सांगलें.
