सांत आंतोनी इगर्ज वाघवडे वर्सुकी फेस्त भक्तिभावान आनी दबाजान

बेळगांव: सांत आंतोनी इगर्ज वाघवडे हांगा वर्सुकी फेस्त भक्तिभावान आनी व्हडा दाबाजान जाले. खानापुरचे पॅरीश प्रिश्ट फादर कुस्तास लिमा हांणी मुखेल मिस भेटयले. तांचे वांगडा फा. प्रदीप कोरिया, फा. आलेक्स डिक्रूझ, पॅरिशप्रिश्ट फा. युशिबीओ फर्नांडिस, फा. सायमन मस्करेन्हस हांणी पवित्र मिस भेटयले.
फेस्त म्हळ्यार फकत बरें नेसप, दागिणे घालप न्हय, तर फेस्त म्हळ्यार खरी भक्ती आनी मागणे आमी करूंक जाय, सांत आंतोनी देवाचो खरो भक्त आशिल्लो. ताचे ल्हान पणाचे नांव वेगळे आशिल्ले. हेर बऱ्या पाद्रींचे जीवित आनी त्याग पळोवन आपुन लेगीत एक बरो पाद्री जावन देवाची आनी परजेची सेवा करची उर्बा ताका मेळली, अशें सांगून सांत आंतोनीन केल्ल्या कांय आश्चर्यांची म्हायती तांणी आपल्या शेर्मावांत भोव बऱ्या उतरांनी सांगली. कॉयरान सोबीत गायना करून फेस्ताच्या मिसाक सोबाय हाडली.
ह्या वर्साच्या फेस्ताच्या कोंपरीचे रूचीक जेवण आग्नेल शावेर डिसोझा फामिलीन दिले. मिसाउपरांत मानेस्त फादरांच्या हस्तुकी शॉल आनी बुक्के दिवन आग्नेल डिसोझा आनी तांच्या घरकांन्नीचो भोवमान केलो.
मिसाउपरांत सांत आंतोनीच्या इमाजीचो सोबीत पूरसांव गांवांतल्यान काडलो.
फेस्ताक व्हडा संख्येन भावार्ती हाजर आसले.