उजवाड ब्युरो (9 फेब्रुवारी): म्हालगडो स्वातंत्र्यसैनीक आनी जेश्ठ लेखक नागेशबाब करमली आज बिरेस्तारा 9 फेब्रुवारीक दनपरां संवसाराक अंतरलो. ताचे कुडीचेर फाल्यां सकाळीं 10 वरांचेर पणजे सांतिनेज मसंडभुंयेंत निमणे संस्कार जातले.
जेश्ट सुटकेझुजारी आनी नामनेचे कोंकणी कवी नागेशबाब करमली हांणी बहुजन समाजातल्या साहित्यीकांक कोंकणीकडेन हाडपाचो व्हड वावर केलो. नागेशबाब सदाच यादिन उरतलो.
आदरांजली: व्हड दुख्खेस्त खबर ही… कोंकणीचे आनी एक पर्व सरले….सबंध घाटमाथो आनी कोंकणी उजवाड परिवार नागेश बाब हांका मोगाची आदरांजली ओंपता आनी तांच्या आदेशांचे आनी आदर्शाचे पालन करून तांका श्रद्धांजली भेटयता. उजवाडकडेन तांचे खूब लागशिले संबंद आसले.
तांच्या आत्म्याक शांती लाबुं.
कवी गौरीशबाब वेर्णेकार हांणी हालीच नागेश बाब हांच्या जल्मदिसानिमतान सादर केलली ही कविता (5-2-2023)
News Views: 511