ॲना मस्करेन्हस हिचो भोवमान करताना मिनीन आनी सिसिलिया गोन्साल्विस. सांगाता इग्नेशिअस आनी रोझमेरी मस्करेन्हस आनी फिलोमीना डिक्रुझ.
उजवाड ब्युरो , बेळगाव: हांगाच्या के. एल.ई इन्डिपेन्डेट कॉलेजची विद्यार्थीनी ॲना मस्करेन्हस हिची आर्मेड फोर्सीस मेडिकल कॉलेज (ए.एफ.एम.सी.) पुणे हांगा एम.बी.बी.एस. शिकपाखातीर आनी मेडिकल ऑफिसर जावंच्याखातीर निवड जाल्या. ह्या खातीर उजवाड परिवारा वतीन उपसंपादक मिनीन गोन्साल्वीस आनी शिशिलिया गोन्साल्वीस हांचे हस्तुकी तिचो भोवमान जालो. ॲना नीट परिक्षेंत लेगित टॉपर आसली. 671 (720 पैकी) गुण तिने मेळईल्ले.
एएफएमसींत अ.भा. पातळीवयर फकत 25 विद्यार्थ्यांची निवड जाता. एन्ट्रेन्स परिक्षा खूबच कठिण असता. ॲनाची निवड म्हळ्यार घाटमाथ्यावयल्या कोंकणी भाशिकांक अभिमानाची गजाल आसा.
ॲना ही उद्यमबाग बेळगावच्या ट्रिनीटी सीएनसी सर्व्हिस कंपनीचे मालक इग्नेशियस मस्करेन्हस आनी पिरनवाडी हांगाच्या कन्नड प्राथमिक शाळेची शिक्षिका रोझमेरी मस्करेन्हस हांची धुव तर खानापूरचे निवृत्त मुख्याध्यापक अंतोन मस्करेन्हस आनी मिलाग्रीन हांची तशेंच वाघवडेची फिलोमिना डिक्रुझ हांची नात आसा. आर्मी मेडिकल ऑफिसर जावन देशसेवा करचे बाय ॲनाचे सपन आसा.