उजवाड ब्युरो : पुणें-गोंय प्रांताच्या सेंट फ्रांसिस द सेल्स प्रांतीय फादर जयसीलन बेळगावी लागसार शाळेच्या इमारतीचो बुन्यादी फातर घालतना.
बेळगाव लागी वेंगुर्ला रोड, हांगा फ्रानसेलियान शाळेखातीर बुन्यादी फातर घालो
बेळगांव फ्रांससालियन सोसायटीन चलयल्ल्या इंग्लीश माध्यम शाळेच्या प्रस्तावीत इमारती खातीर बुन्यादी फातर घालपाच्या सुवाळ्याक बेळगाव लागसार आशिल्ल्या पुणें-गोंय प्रांताच्या सेंट फ्रांसिस द सेल्स चे provincial फादर जयसीलन हांणी इस्कोलाची बुण्याद घाल्ली.
सुळ गे-हिंडलगा सयत उचगांव पंचायत वाठारांतल्या विद्यार्थ्यांक सामक्या उण्या खर्चांत दर्जेदार इंग्लीश शिक्षण दिवपाच्या हेतान इंग्लीश माध्यमाची सेंट फ्रांसिस द सेल्स शाळा सुरू केल्या. गोंय मूळचे जायते फादर प्रांताची सेवा करतात.
सध्या पोरन्या इमारतीत नर्सरी ते एसटीडी 5 मेरेनचे वर्ग चालू आसात आनी बेगीनूच एसएससी मेरेनचे वर्ग सुरू जातले.
सगळ्यो सुविधा आशिल्ली एक बरी सुसज्ज इमारत बांदतले अशें फादर जयसीलन हांणी सांगलें.
शाळेचो प्राचार्य फादर अँड्र्यू हांणी येवकार दिलो आनी दर्जेदार विद्यार्थी तयार करपाक संस्था कटिबद्ध आसा अशें सांगलें.
उपरांत फादर आल्फोन्सान उपकार मानपाचो प्रस्ताव मांडलो. ह्या काऱ्यक्रमाक आदलो सिटी कॉर्पोरेटर रेमन वाज आनी हेर हाजर आसले.
