उजवाड ब्युरो, बेळगाव : ब्रेस्तारा कर्नाटकांत धर्मांतर विरोधी विधेयक’ संमत जाले उपरांत पुराय कर्नाटकांतल्या किरिस्तांवांक विश्वासघात जाला अशें दिसता. काँग्रेसीन वॉकआउट केल्या उपरांत कर्नाटक विधीमंडळान ब्रेस्तारा धर्म स्वातंत्र्याच्या हक्काचें संरक्षण विधेयक, 2021 ( Protection of Right to Freedom of Religion Bill, 2021) वा धर्मांतर विरोधी विधेयक आवाज मतदानान संमत केलें.
पूण सर्वोच्च न्यायालयांत आनी कर्नाटक उच्च न्यायालयांत खर हरकत दाखल जाल्ल्यान आयतारा हैदराबादांत आशिल्ल्या आर्चबिशप पीटर माचाडो हांणी प्रसार माध्यमांच्या एका विभागाक खुब आकांतान हुस्को उक्तायिल्लो आसलो तरी क्रिस्तांवांनी ह्या विधेयकाचेर टिप्पणी करपाक टाळ्ळां.
“ कर्नाटकांतलो पुराय क्रिस्तांव समाज “धर्म स्वातंत्र्याच्या हक्काची राखण – २०२१” हें विधेयक संमत जाल्ल्यान खोलायेन अस्वस्थ आनी खूब दुख्ख भोगता जें आतां एक कायदो जालां. शिक्षण, भलायकी आनी समाजसेवेच्या मळार समाजाक दिल्ल्या सगळ्या निस्वार्थ सेवां खातीर समुदाय विश्वासघात जाला अशें जाणवता,” अशें बंगळुरूच्या आर्चडायोसीजच्या विज्ञप्तींत म्हणलां.
णव म्हयने आदीं विधेयक म्हणून हाडिल्ल्या आनी आतां कायद्यांत रुपांतरीत केल्ल्या कायद्यांतल्यान कायद्याची आशय स्वभावांत कडू, क्रूर आनी घर्षक उरल्या. “ मेट्रोपोलिटन आर्चबिशप पीटर माचाडो, कर्नाटकाचे बिशप आनी सगळे क्रिस्तांव फुडारी, आनी आमच्या लोकशाय समाजाच्या धर्मनिरपेक्ष कापडाक पाळो दिवपी हेर लोक कायदेशीर आदार सोदपाचो निर्णय घेतले आनी कायद्याक पुरायपणान आव्हान दितले,” PRO & Spokesperson for the Archdiocese of Bangalore J A Kanthraj हांणी शुक्रारा जाहीर केल्ल्या निवेदनांत म्हणलां.
मजगतीं, ह्या सांगिल्ल्या विधेयकाचेर खर हरकत पयलींच सर्वोच्च न्यायालय आनी कर्नटक उच्च न्यायालयांत प्रलंबीत आशिल्ल्यान आर्चबिशप आनी बिशप सयत क्रिस्तांव फुडाऱ्यांनी ह्या विशयाचेर फुडली टिप्पणी करपाक टाळ्ळां.
…………… समाप्ती
