उजवाड ब्युरो, 13 सप्टेंबर: गोयांत काँग्रेसीचे आठ आमदार (मायकल लोबो, डिलायला लोबो, दिगंबर कामत, राजेश फळदेसाय, केदार नायक, संकल्प आमोणकार, आलेक्स सिकेरा, रुडोल्फ फर्नांडीस) आयज मुख्यमंत्री डाॅ. प्रमोद सावंत हांकां तांच्या चेंबरांत मेळ्ळे. आनी भाजपांत सामिल जाले.
देवा मुखार दिलेले उतर ते विसरले- विजय सरदेसाय
प्रामाणीकपणा, नैतिकताय गुठलावन आठ आमदारांनी फक्त पयशां खातीर आनी सत्तेची भूक भागोवपाक भाजपांत प्रवेश करपाचें थारायलां. तांणी आपलो सुवार्थ, चिकानेरी दाखयल्या. देवा मुखार उतर दिल्लें तेंय ते विसरल्यात.
– गोवा फाॅरवर्डाचे आमदार विजय सरदेसाय
ताणी लोकांचो आनी देवाचो विश्वासघात केला- अल्तीन्हो गोम्स
हो लोकां सयत देवाचोय विस्वासघात. असलीं फटींगपणा गोंयकारांक सोबनात. मायकल लोबो हांकां विरोधी पक्ष फुडारीपण दिलें, घरकान्नीक तिकेट दिली. तरी ताणें विस्वासघात केलो.
– आल्तिनो गोम्स,
प्रदेश काँग्रेस समितीचे उपाध्यक्ष
