अतिक्रमणांची एसआयटी वरवीं चवकशी करात
म्हापशें: सरकारान कोमुनिदाद कायद्यांत दुरुस्ती प्रस्ताव हाडपाचे थारायलां. हाका गोंयांतल्यो सगळ्यो कोमुनिदाद संस्था आनी गोंयकारांचोविरोध आसा. तशेंच कोमुनिदाद जमनींतल्या अतिक्रमणां विशीं सरकारान एसआयटी वरवीं चवकशी केल्यार ताका आमचो येवकार आसा, अशें कोमुनिदाद संस्थांनी स्पश्ट केलां.
व्हेन्झी व्हिएगस, आमदार : सगळ्यांनी संघटीत जावन आता दायज जपपाचो वेळ आयला. मुख्यमंत्री आनी महसूल मंत्र्यांनी हो दुरुस्ती प्रस्ताव येता त्या अधिवेशनांत हाडचो न्हय. ताचे पयलीं कोमुनिदाद संस्थांकडेन चर्चा करची. ते उपरांतूच दुरुस्ती प्रस्ताव हाडचो. बळजबरेन प्रस्ताव लादचो न्हय.
तुलियो डिसोझा: बनावट कागदां तयार करुन जमीन बळकावप वरवीं चवकशी सुरु आसा. त्याच माध्यमांतल्यान कोमुनिदाद जमनींतल्या अतिक्रमणां विशीं चवकशी केल्यार कोमुनिदाद ह्या निर्णयाक येवकार दितली. सरकाराक गरजेचें सहकार्य करतलें.
