उजवाड ब्युरो, पणजी: कोमुनिदाद कायद्यांत दुरुस्ती करुन कोमुनिदाद संहितेत म्हत्वाचे बदल करपाचो प्रस्ताव आसा. उद्देगीक प्रकल्पाखातीर जमीन संपादन करतना कोमुनिदाद समितीचे मान्यतायेची गरज पडची ना. प्रकल्पाखातीर जमीन संपादन करपाचो अधिकार सरकाराक मेळटलो. कोमुनिदाद वेवस्थापकी समितीत गैरवेव्हार आसलो जाल्यार समिती बरखास्त करपाचे अधिकार सरकाराक आसतले. तशेंच कोमुनिदाद जमनी वयलीं अतिक्रमणां कायदेशीर करपाची तजवीज कोमुनिदाद संहितेत आसतली.
हे म्हत्वाचे बदल कोमुनिदाद संहितेत करपाचो प्रस्ताव आसा. महसूल खात्याचे अवर सचिव गिरीश सावंत हांणी हो मसुदो कोमुनिदादींच्या प्रशासकांक धाडला.
