धावी परिक्षेचो निकाल फाल्या

बेळगांव : धावी (एसएसएलसी) परीक्षेचो निकाल बिरेस्तार ता.19 दिसा दनपारा (12 उपरांत) जाहीर जातलो. बेळगांव शैक्षणिक जिल्ह्यांत 33 हजार 807 परीक्षार्थींनी परीक्षा दिल्ली. धावीच्या निकालावयर मुखारले शिक्षण अवलंबून अशिल्ल्यान निकाल किते लागता, हाचेकडे विद्यार्थ्यां वांगडाच पालकांचेही लक्ष लागला. बिरेस्तार ता.19 मे दिसा शिक्षण विभागाच्या www.karresults.nic.in ह्या संकेतस्थळावयर निकाल पळोवंक मेळतलो.
कर्नाटकांत 28 मार्च ते 11 एप्रिल दरम्यान धावीची परीक्षा पार जाल्ली. बेळगाव शिक्षणिक जिल्ह्यांत 139 केंद्रांवयर परीक्षा जाल्ल्यो.
ह्या वर्सा मूल्यमापना वेळार कांय विनाअनुदानित शाळांच्या शिक्षकांनी दांडी मारिल्ल्यान मूल्यमापनाक उशीर जालो. 11 मे दिसा निकाल जाहीर जावंचो आशिल्लो. पूण मूल्यमापन पुराय जावंक नाशिल्ल्यान आता 19 मे दिसा निकाल जाहीर जातलो.