उजवाड ब्युरो : गुगल कंपनीन आपल्या गुगल ट्रान्सलेटांत कोंकणीचो आसपाव केला. कोंकणी, आसामी, भोजपुरी, डोग्री, मैथिली, मणीपुरी, मिझो, संस्कृता सयत 24 नव्या भाशांचो गुगलान काल रातीं उसरां (भारतीय वेळा प्रमाण) आसपाव केलो. वट्ट 133 भाशांचो अणकार आतां करपाक मेळटलो. ते विशींची घोशणा गुगलाच्या सुंदर पिचाय हांणी अमेरिकेंत एके कार्यावळींत केली.
ह्या नव्या भाशांच्या आसपावाक लागून भारत, आफ्रिका, नेपाल आनी हेर कडल्यान 30 कोटी लोकांक तांच्या भाशांचे अणकार करप सोंपें जातलें. कोंकणीचो आसपाव जावचो, हे खातीर कोंकणी संस्थांनी कांय वर्सां सावन यत्न सुरू केल्ले.
हो अणकार झिरो शाॅट मशीन ट्रान्सलेशन आसतलो. सध्या तो 100 टक्के सारको आसचो ना. मात आमी रोखडीच तातूंत सुदारणा करतले. तें काम सुरू जालां. हेर भाशांचे (खास करून जर्मन, स्पॅनिश) जातात तसो ह्या भाशांचोय अणकार जावचो हे खातीर आमी यत्न करतात, अशें गुगलान म्हणलां.
गुगल ट्रान्स्लेटांत कोंकणीचो आसपाव
POPULAR NEWS
उजवाड आतां 24व्या वरसांत पावल मारता ही खूब खोशेची गजाल व्हय. 23 वरसांची खडतर वाटचाल, 125 वयर खेड्यांची- शारांची भ्रमंती, 55 रुपयांची वर्गणी वो पटी घेवंक धडपड आनी उजवाडची ज्योत तेवत दवरचो प्रयत्न, घाटमाथो प्रदेशातल्या कोंकणी मनशाचे अस्तित्वा बद्दल गोय आनी सगळ्या प्रिथुमिक जाणवाय करुन दिवप आनी कोंकणी मनशाचो एकवोट घडोवन हाडून कोंकणी भास आनी संस्कृताय थिगोवन दवरप, अशे बहुरंगी- बहुढंगी आनी इतिहासिक कार्य उजवाड वोरवी साध्य जाला.
