उजवाड ब्युरो, मंगळवार ता. 8: साऊथ सेंट्रल कल्चरल सेंटर, नागपूर, मिनिस्ट्री ऑफ कल्चर, गव्ह. ऑफ इंडिया नियती फौंडेशन, बेळगांव हांचेवोरवी आंतरराष्ट्रीय बायला दिसानिमतान विशेश सेवा केल्ल्या 10 आदर्श बायलांचो सावित्रीबाई फुले पुरस्कार दिवन सत्कार जालो. हांतुत समाज वावराडी सौ. मोनिका डांटस हांचोयी विशेश सत्कार जालो.
नियती फौंडेशनच्यो अध्यक्ष डॉ. सौ. सोनाली सरनोबत, खासदार सौ. मंगला अंगडी बेळगांवच्यो डीसीपी पी.व्ही. स्नेहा हांचे हस्तुकी हो सन्मान जालो. डॉ. सोनाली, डीसीपी स्नेहा आनी मानेस्तानी सौ. डांटस हांच्या कार्याची तोखनाय केली.
ह्या वेळार उलयाताना डीसीपी पी व्ही स्नेहा हाणी दादल्यानी तशेच बायलांनी आधुनिक स्त्रियांकडे पळयचो दृष्टिकोन बदलुंक जाय अशे सांगले. चेडवा लेगीत चेड्या भाशेन व्हडल्या व्हडल्या पदार वावरूंक लागल्यात, म्हणुन पूतांक वेगळी वागणूक आनी धुव वो सूनेक वेगळी वागणूक अशे समाजान चड करून बायलानी करचे न्हय अशे आवाहन खासदार मंगला अंगडी हाणी केले.
