उजवाड ब्युरो, ता.18:
आयज ता. 18 जानेवारी 2022 दिसा सकाळी 8.56 वारार वास्को-द-गामा-हावडा अमरावती एक्स्प्रेसच्या मुखारल्या लोकोच्या मुखारल्या चाकांची जोडी दूदसागर आनी करंजोळ दरम्यान रुळावयल्यान घसरली. सकाळी 11.30 वारार ही गाडी परत रुळावयर हाडली. आता ही गाडी मुखार वेतली, अशें रेल्वे सूत्रांनी सांगले.
वास्को-द-गामा हांगाच्यान सकाळी 6.30 वारार ही गाडी सुटलेली आनी दूदसागर स्टेशनवयल्यान सकाळी 8.50 वारार पास जाल्ली.
ट्रेनिंतले सगळे प्रवासी आनी कर्मचारी सुरक्षित आसात. खयंचीयी जीवितहानी जाल्ल्याची नोंद ना.
अपघात निवारण ट्रेन आनी वैद्यकीय उपकरणां सकाळी10.35 वारार घटनास्थळार पावल्यात.
डीआरएम हुबळी, श्री अरविंद मालखेडे वरिष्ठ अधिकारी आनी हेर अधिकारी घटना स्थळाचेर पावल्यात.
प्रवाशांखातीर उदकाची आनी अल्पोपहाराची व्यवस्था केल्या.
श्री संजीव किशोर, महाव्यवस्थापक, श्री पी के मिश्रा अतिरिक्त महाव्यवस्थापक, श्री एसपीएस गुप्ता प्रधान मुख्य अभियंता, श्री आलोक तिवारी, मुख्य मुख्य सुरक्षा अधिकारी आणि विभागांचे प्रमुख वरिष्ठ अधिकारी परिस्थितीवयर बारकाईन नदर दवरून आसात.
