कर्नाटकांत नवीन वर्साच्यो पार्ट्यो आनी मेळाव्यावयर बंदी

उजवाड ब्युरो, बेळगाव:
कर्नाटक सरकारान कोविड-19 आनी ओमिक्रॉनच्या धोक्याखातीर सार्वजनिक उत्सव मनोवप आनी सार्वजनिक मेळाव्यावर बंदी घातल्या. 30 डिसेंबर ते 02 जानेवारी मेरेन निर्बंध लागू जातले.
बेळगाव हांगा मुखेलमंत्री बसवराज बोम्मई हाणी मंगळरा आपयलेल्या मंत्री, अधिकारी आणि तज्ज्ञांच्या उच्चस्तरीय बसकेंत असो निर्णय घेतला.
बसके उपरांत पत्रकारांकडे उलयताना उत्सव आनी सार्वजनिक मेळाव्यावयर राज्यभर बंदी लागू केल्या, अशे बसवराज बोम्मई हाणी सांगले.
रेस्टॉरंट्स आनी क्लबांत नवीन वर्साच्यो पार्ट्यो, संगीत, नृत्य कार्यावळी आनी विशेष कार्यावळी आयोजित करपाक प्रतिबंध लागू केल्यात. पुण कोविड प्रोटोकॉलचे काटेकोरपाणान पालन करून तांच्या क्षमतेच्या ५० टक्के काम करपाक परवानगी दिल्या.
क्लबाभितर प्रवेश करपाक आनी कर्मचारी हांका RTPCR टेस्ट या वासिणाचे दोन डोस आवश्यक असतले, अशे बोम्मई हाणी सांगले.
अपार्टमेंट भितर लेगित नवीन वर्साची पार्टी आयोजित करपाक मनाई आसा.
एका प्रश्नाक उत्तर दिताना हाणी सांगले की नातालाच्या मिसाखातीर खयंचेच विशेश मार्गदर्शक निर्बंध लागू करूंक नात.