उजवाड ब्युरो, मुंबय: फाटल्या कांय दिसाथावन वाडत आशिल्ल्या कोव्हिड दुयेंतीक लागुन महाराष्ट्र सरकारान परते नवे कोव्हिड निर्बंध लागु केल्यात. प्रवास करताना लसीकरण प्रमाणपत्र आनी फोटो वळखपत्र असप बंधनकारक केला. रिक्षा, टॅक्सी, बस आनी कॅबांत लसीचे दोन डोस घेतिल्ल्यांकच प्रवास करुंक येतलो. महाराष्ट्रांत येवपी प्रवाशांक पुराय लसीकरण आशिल्ले प्रमाणपत्र नाजाल्यार 72 तास आदीचो आरटीपीसीआर चाचणी रिपोर्ट बंधनकारक आसा. मास्क घालुंक नाजाल्यार 500 रुपया दंड, दुकानदारान मास्क घालुंक नाजाल्यार 10,000 रुपये दंड, मॉलांत कोणे मास्क घालुंक नाजाल्यार मालकाक 50,000 रुपये दंड, टॅक्सी अथवा खाजगी वाहनांत मास्क घालुंक नाजाल्यार प्रवाशाक आनी मालकाक प्रत्येकी 500 रुपये दंड. सोशल डिस्टन्सींग पालन करप गरजेचे. अशे हें नवीन निर्बंध आसात.
News Views: 733