उजवाड ब्युरो, बेळगांव : तमिळनाडु राज्यांतल्या कन्याकुमारी जिल्ह्यांतले देवसहायम पिल्लई हांकां पोप फ्रान्सीस हांणी संत म्हुण घोशीत केला. हिंदु धर्मांतल्यान क्रिस्तांव जाल्ले सांतपद मेळोवपी ते पयलें भारतीय जावन आसात. १५ मे, २०२२ दिसा व्हॅटिकन हांगा तांकां समारंभपुर्वक सांतपद मेळतले.
पिल्लई हांणी १७४५ वर्सा क्रिस्तांव धर्माचो स्वीकार केल्लो. त्या उपरांत ताणी आपले नाव ‘लाझारस’ अशे दवरिल्ले. १४ जानेर, १७५२ दिसा तांकां बंदुकीची गोळी घालून मारिल्ले. २ डिसेंबर, २०१२ दिसा तांकां भागेवंत म्हुण पापसायबान घोषित केल्ले.
