आंदोलना वोरवीं मराठी मनशान महाराष्ट्रांत वचपाचो वज्रनिर्धार दाखोवन दिलो.

उजवाड ब्युरो : भाषावर प्रांत रचने वेळार एक नोव्हेंबर 1956 वर्सा बेळगाव आनी सगळो सीमाभाग कर्नाटकांत घाल्ल्याच्या निशेधाखातीर एक नोव्हेंबर दिसा काळो दीस पाळून मराठी भाषिक फाटल्या 65 वर्साथावन आपल्या न्याय हक्कापासोत लढत असात.

ह्या वर्सालेगित शेकडो मराठी भाषिकांनी 1 नोव्हेंबर दिसा रेल्वे ओव्हर ब्रिज लागच्या मराठा मंदिर हांगा एकटांय जावन आंदोलना वोरवी महाराष्ट्रांत वचपाचो वज्रनिर्धार दाखोवन दिलो. मध्यवर्ती महाराष्ट्र एकीकरण समितीचे अध्यक्ष दीपक दळवी, कार्याध्यक्ष माजी आमदार मनोहर किणेकर, सरचिटणीस मालोजीराव अष्टेकर, प्रकाश मरगाळे, राजाभाऊ पाटील, रणजित चव्हाण पाटील हे नेते माचयेवयर हजर आशिल्ले.

बेळगांव पुलिसानी काळो दीस पाळूंक, मोर्चा आनी आंदोलन करूंक परवानगी नाकारिल्ली. मराठा मंदिरकडेन आनी बेळगाव शारांत पोलिसांचो कडेकोट बंदोबस्त आसलो.