उजवाड ब्युरो, बेळगांव: कर्नाटक सरकारान राज्यांतल्यो इगर्जी आनी क्रिस्तांव मिशनरींची गणती करपाचो आदेश फाटी घेवंचो आनी धर्मांतर विरोधी कायदो लागू करचो न्हय ह्या खातीर आयज सुंक्रार , ता. 22 दिसा ऑल कर्नाटक ख्रिश्चन फोरम कडल्यान बेळगावचे जिल्हाधिकारी एम.जी. हिरेमठ हांका निवेदन दिले.
संघटनेचे अध्यक्ष बिशप डॉ. डेरीक फर्नांडिस, उपाध्यक्ष रेव्ह. जे. नंदकुमार, सचीव क्लारा फर्नांडिस, सह सचीव फादर प्रमोद कुमार, सदस्य क्लारा फ़र्नांडिस, फादर फिलिप कुट्टी, फ़ादर नेल्सन पिंटो, पास्टर के.जे. चेरीयन, रेव्ह. नुरुद्दीन मुल्ला, रेव्ह. मार्टिन आनी बेळगांव दियोसीजीचे जनसंपर्क सचिव लुईस रॉड्रिग्स हांणी हे निवेदन दिले.
जिल्हाधिकारी हिरेमठ हांणी निवेदनाचो स्वीकार करून निवेदन सारकाराक धाडून दिता अशे सांगलें आनी कोण जर गरज नासताना क्रिस्तावांची चवकशी करता आसतीत तर जिल्हो पोलीस प्रमुखांकडेन चौकशी करून तांचेर योग्य कारवाय जातेली अशें आश्र्वासन लेगीत जिल्होधिकारी हिरेमठ हांणी दिली.
कर्नाटक सरकारच्या मागास आनी अल्पसंख्यांक कल्याण खात्यावोरवीं जावपी कर्नाटकांतल्या ख्रिस्तांव मिशनऱ्यांचे सर्वेक्षण करपाचे प्रस्तावाबद्दल माध्यमांमदलो अहवाल आमी वाचला. हो प्रस्ताव निरर्थक आनी अनावश्यक आसा अशें आमी मानतात, हातुंतल्यन कितेय बरें निश्पन्न जावंचे ना अशे आमकां दिसता.
सर्वेक्षणा वोरवीं ख्रिस्तावांच्या समुदायाची प्रार्थनास्थळां तसेच फ़ादर्स, सिस्टर्स हांकां लक्ष्य केले वेतेले, उत्तर भारत आनी कर्नाटकांत अशो तुरळक घटना जातात हें आमीं आयकतात, अणभवतात.
धार्मिक वावराड्यांचे सर्वेक्षण करण्यात सरकाराक इतले स्वारस्य कित्या आसा आनी तेवुय फ़कत ख्रिस्तांव समाजाच्या प्रार्थनास्थळांचे ? आमकां वायट दिसता की माननीय मुख्यमंत्री, श्री बसवराज बोम्मई, व्यापक विचारसरणी आनी प्रबुद्ध व्यक्ती आसात पूण ते मूलतत्त्ववादी गटांच्या दबावाक बळी पडल्यात जे समाजांत अशांती माजोवंक सोद्तात.
सरकारान आमच्या शैक्षणिक संस्था आनी आरोग्य संस्थांवोरवी जावपी कार्याची गणना केल्य़ार आमच्या सेवेची योग्य कल्पना येतली, मागीर ख्रिस्तांव जर आपल्या कार्यांवोरवीं धर्मांतरांत गुंतले आसतीत तर त्या तुलनेत तांची संख्या कित्या उणी जावंक लागल्या ?
आमी सदांच जबरदस्ती, फसवणूक आणि प्रोत्साहनपर धर्मांतराच्या विरोधात आसात, पुण हांव हांगा सांगुंक सोद्ता की आमी भारतीय राज्यघटनेच्या नियमांचे कायदेशीर पालन करतात कितें? कित्याक आमची घटना आमच्या पासोत सर्वोच्च आनी पवित्र आसा. अनुच्छेद 25 (26, 29 आनी 29 30) परमाणे प्रत्येक नागरिकाक धर्माचो पाटलाव आनी प्रचार करपाचे स्वातंत्र्य आसा
धर्मांतर विरोधी कायद्यांची खरेच गरज आसा कितें ? राज्यघटनेत आनी कायदेशीर व्यवस्थेत पुरेसे संरक्षण आसा. अशा कायद्या वोरवीं फक्त काही लोकांच्या हातात निष्पापांक त्रास आनी तांचो छळ करपाचे अस्त्र मेळतलें. कांय दिसांपूर्वीच मद्रास कोर्टान निर्णय दिला की फक्त चर्चमध्ये जाणे आणि ख्रिश्चन चिन्हा प्रदर्शित करप हाचो अर्थ धर्मांतर न्हय.
क्रिस्तांव देशभक्त आसात , ते कायद्याचे पालन करतात आनी देशातल्या गरीब आनी दलित लोकांच्या सेवेत अग्रेसर आसात, आमकां सरकारच्या मजतीची आनी प्रोत्साहनाची गरज आसा, धर्मांतर कायद्याची न्हय.