उजवाड ब्युरो : बेळगाव महामार्गाचेर खानापूर थावन अनमोड पर्यंत म्हामार्गचे फ़ाटल्या ३ वर्सांथावन अर्धवट स्थितीत आशिल्ले काम परते सुरु जाला, ह्या पसोत प्रवशांनी सुटकेचो निश्र्वास सोडला. पर्यावरण वाद्यांनी हायकोर्टांत घेतिल्ल्या स्टे खातीर ह्या म्हामार्गाचे काम तीन वयर वर्सा बंद आसले. ह्या पासोत लोंडा, गोंय, खानापुर, बेळगांव आनी परिसरांतल्या प्रवाशांचे खुब हाल जाताले. चड करुन दुयेंतांक होस्पीटलांक व्हरुंक खुब त्रास जातालो. वाहना ब्रेक डाउन जाताली. अपघात जाताले. ह्या रस्त्याचेर प्रवास करपी वाहनधारकांक नरक यातनांचो अणभव येतालो.
जायती आंदोलना जालीं पुण सरकाराक जाग येवंक नासली. खानापुरच्यो आमदार दोतोर अंजलीताई निंबाळकर हाणीं विधानसभेत आवाज उठयलो आनी सरकारान ह्या म्हामार्गाच्या डागडुजीपासोत पावलां उकल्ल्याचें सांगलें . पुण अनेक तांत्रिक समस्या आनी लांबिल्ल्या पावसाळ्या खातीर सदर डागडुजीचे काम लांबणीर पडत गेले .
आतां ह्या डागडुजीक आनी बांदकामाक परतो आरंभ जाला। सदर मार्गावयल्या लोंडा रामनगर च्या मदल्य़ा इबाडिल्ल्या रस्त्याचें डांबरीकरण जाला. आनी रोकडेच ह्या म्हामार्गाचे काम पुराय करपाची सुचना दिल्याचे NHAI सुत्रांनी सांगले. खुब काळा उपरांत ह्य़ा रस्त्य़ाचे काम सुरु जाल्या खातीर प्रवाशांनी सुटकेचो निश्र्वस सोडला.
……….. निखील आसुकर, रामनगर
