उजवाड ब्युरो (बेळगांव) : धक्कादायक आनी दुख्खाची खबर. मुळावो बेळगांव आनी नवी मुंबई रावपी अमित मार्शल लोबो (44) आयज देवाधीन जालो. लोबो फ़ामील विजयनगर , बेळगाव हांगा रावता. घरकान्न, आवय-बापुय, दोन भाव, एक धुव, पूत असो परिवार आसा. बेळगांव चे सेंट पौल हायस्कुलचे निवृत्त वरिश्ठ सुपरिण्टेंडेण्ट मार्शल आनी निवृत्त मुख्य़ाद्य़पिका मिलाग्रीन लोबो हांचो तो मदलो पूत , तसेच सर्वोदय हायस्कुल, खानापुरचे प्रिन्सिपल फ़ादर फेलिक्स मंतेरो हांचो भाचो.
अमीताक कांय दिसां आदी होस्पिटलांत दाखल केल्ले.अमीत खुब तरणट्या पिरायेंत एक यशस्वी उद्योजक म्हुण नामणेक पावलो. Hongkong हांगा Attis Systems Ltd ह्या कंपनींत तो डायरेक्टर आनी कन्सल्टंट म्हुण वावर करतालो. बेळगावांत लेगीत ताणे एक व्हडले केंद्र सुरु केल्ले. खुब ल्हान पिरायेंत यशस्वी भरारी घेतलेल्या ह्या तरणट्य़ाच्या अचानक वचण्यान स्माजांत सगळेकडेन दुख्ख व्यक्त जावंक लागला.
इंतेर आयज (सुंक्रार) सकाळी ११ वारांचेर होली स्पिरिट चर्च, कळंबोली, नवी मुंबय हांगा जातेले.
