उजवाड ब्युरो : कलबुर्गी जिल्ह्यांतल्या गडीकेश्वर, चिंचोली वाठारांत परतून भुयकंप्पाचे धपके जाणवले. 2.5 रिस्टर स्केल तीव्रतेच्या भुयकंन हांगाचे लोक भिरांतीन घराभायर धांवलें. 1 आनी 5 ऑक्टोबर दिसा पयले दोन धपके बिदर जिल्ह्यांतल्या बसव कल्याण लागी बशिल्ले, ही घटना ताजी आसतनाच आता तिसरी फ़ावट जालेल्या ह्या घटनेन जिल्ह्यांतले लोक भिरांकुळ जाल्यात.
भुयकम्पाचो केंद्रबिंदू तेलंगणांतल्या संगारेड्डी जिल्ह्यांतल्या माणियारपल्ली हांगा आसा. हे गांव कर्नाटकाच्या खूब लागी आसा, अशें कर्नाटक राज्य नैसर्गिक आपत्ती निरीक्षण केंद्रान म्हळा.
भुय कंपाच्या आदल्या धपक्या उपरांत फकत 24 वरांनी हो धपको परतून जालो, हाका लागून हंगाच्या लोक भिरांतीन जियेतात।
News Views: 706