अंदमानच्या दर्या सावन दक्षीण महाराष्ट्रातल्या अरबी दर्या मेरेन चक्रीवादळाक लागून देड मिटरा वयर उण्या दाबाचो पट्टो तयार जाल्ल्यान येता त्या दोन दिसांत गोंयांत पावसाचो अदमास हवामान खात्यान उक्तायला. 12 ऑक्टोबर मेरेन हवामान खात्यान येलो अॅलर्ट जारी केला.
आयतारा गोंयच्या खंयच्याच वाठारात पावस पडूंक ना. सगल्याक वत आशिल्लें. हाका लागून गरमी जाताली. पणजेचें तापमान 28.6 अंश आशिल्लें. येता त्या दोन दिसांत मात राज्याच्या कांय वाठारांनी उटांगाराचो पावस पडपाचो अदमास आसा. अंदूं सरासरी परस मोसमी पावसाचे प्रमाण चड आशिल्लें. बिगर मोसमी पावसाचें प्रमाण लेगीत चड आसा. 10 ऑक्टोबर मेरेन 177.94 मिमि पावस नोंद जाला. हें प्रमाण 115 टक्के चड आसा. सांगें वाठारात सगल्यांत चड 239.3 मिमि बिगर मोसमी पावस पडला. हाचे फाटोफाट पणजेंत 225.9 मिमि पावस पडला. राज्यांत 7 ऑक्टोबराक सगल्यांत चड 110 मिमि (4 इंच) सरासरी पावस पडला. काणकोणां सगल्यांत उणो 118 मिमि पावस पडला.
मोसमी पावस सोंपले उपरांत चक्रीवादळाक लागून उण्या दाबाचो पट्टो खूबशे कडेन तयार जाता. हाका लागून पावस पडटा. काय राज्यांतल्यान मॉन्सुनाचो परतीचो प्रवास सुरू जाल्लो आसलो तरी गोंयांतल्यान अजून मॉन्सून वचूंक ना.