88 वर्सा पिरायेची आजीमाय अंजेलीन फिलीप बारदेस्कर-डायस उजवाड वाचता आपुरबायेन
उजवाड ब्युरो, गडहिंग्लज: मुळावी माद्याळ (ता: कागल) ह्या गावची धुव आनी सरोळी हांगाची सून 88 वर्सा पिरायेची आजीमाय आंजेलीन फिलीप बारदेस्कर-डायस ही ह्या पिरायेंत लेगीत कोंकणी उजवाड म्हयनाळे खुब आपुरबायेन आनी आवडीन वाचता. आमी आमची आवयभास कोंकणी उलोवंक जाय. तुमी खंयच्यायी भाशेंत शिकप केल्यात, संवसारांत खंयच्यायी सुवातेर रावल्यात तरी आपल्या घरांत आनी भुरग्यांवांगडा कोंकणीच उलोवंक जाय आनी आमची संस्कृताय थिगोवन दवरुंक जाय, अशें ती सांगता.
सरोळी गांव हे आजरा- गडहिंग्लज तालुका शिमेर आशिल्ले सुजलाम, सुफ़लाम, सोबीत गाव आसा. गावांत जरी मराठी प्रबळ आनी प्रचलीत आसली तरी आयज उजवाडा वोरवी थंय आता कोंकणी मूळ धरुंक लागल्या, हाचे कारण म्ह्ळ्यार उजावाड व्हय.
सरोळी हांगाचे शिक्षक डॅनियल बारदेस्कर, टेल्को कंपनीचे देवबा बारदेस्कर, आशा मस्करेंज, हेब्बाळ आनी नतालीन नरोन्हा, बेळगुंदी हांची ती आवय आसा. तिची नातरां विज्ञानिक, दोतोर, चार्टर्ड अकाउंटंट मळार वावर करतात.
उजवाड परिवारावरवी मांयीक परबीं तिचे मुखारले जिवीत खुशालभरीत वचू, म्हूण मागतांव.