उजवाड ब्युरो, बेळगांव: सोमार ता. 16 दिसा स नव्या फादरांची ओड्द जाली. बेळगाव डायोसीज खातीर ही व्हड खोशेची गजाल. बेळगांवचे बिशप रेव्ह डॉ. डेरेक फर्नांडिस हांणी तांका याद्नीक पाणाची ओड्द दिली आनी ह्या स तरणाट्यांनी त्याग, पवित्रता, देव आनी त्याच्या लोकांखातीर सेवा करपाचे व्रत घेतले. डिकन्स प्रवीण जॉन दंडवते (तुमरीकोप्पा), जोसेफ राज (चेन्नई), प्रशांत कोप्पल (गुट्टल-हावेरी), अँथनी डिसूझा (भोसगाळी-खानापूर), इंतरू पिंटो (केसरोळ्ळी-हलियाल) हांका बेळगांव आनी थॉमस फर्नांडिस (अळनावर) हांची नियुक्ती कारवारच्या दियोसिजींत केली.
बेळगांव दियोसिजींत वेगवेगळ्या थरार प्रशिक्षीत पाद्री तयार जायत आसात. एकच दिसा स याद्निकांची नेमणूक ही चड व्हड गजाल. ह्या सगळ्या याद्निकांक धार्मिक दिस्टीन खुब बरें प्रशिक्षण मेळला. हे याद्नीक लोकांची बरी सेवा करतीत जेजू क्रिस्ताच्या शुभ वर्तमानाचो प्रचार ते बरें तरेन करतले, अशें सांगून बिशप डेरेक हांणी ह्या तरनाट्यांक देवाच्या आनी लोकांच्या सेवेंत स्वताक झोकून दिवंचे आवाहन केले.
बेळगाव आनी कारवार हांगाचे फादर, धार्मिक, हेर मानेस्त आनी नव्यान नियुक्त जाल्ल्या फादरांचे इश्ट आनी सोयरें व्हडा संखेन ह्या सुवाळ्याक हाजर आशिल्ले.