उजवाड ब्युरो, बेळगाव: वाघवडे गांवचे सुपूत मार्यान गोन्साल्वीस हांका 11 वे फावटी एलआयसीचो एमडीआरटी पुरस्कार फावो जालो. हाचेखातीर एलआयसीचे डिव्हिजनल मार्केटींग मॅनेजर बी.गुरुराज हांचे हस्तुकी मार्यान गोन्साल्वीस आनी तांची घरकान्न मार्सेलीन हांचो सन्मान जालो. ह्यावेळार ब्रँच 3 चे ब्रँच मॅनेजर रमेश मुगळी, सेल्स मॅनेजर एस.एम.माने, सहाय्यक ब्रँच मॅनेजर श्री. दळवाई आनी हेर अधिकारी हाजीर आशिल्ले. तांची मार्यान गोन्साल्वीसच्या कार्याची तोखणाय करणारी उलोवपा जाली.
एजंट असोसियेशनचे पुंडलिक पावशे, राजू पाटील, भुजंग सामजी, वामन जाधव, मारुती प्रभावळकर आनी हेरांनी उलोवप केले.
मार्यान गोन्साल्वीस म्हळ्यार बेळगांवच्या दक्षिण भागाचो एलआयसी ब्रँड आसा. मार्यान गोन्साल्वीस म्हळ्यार एलआयसी आनी एलआयसी म्हळ्यार मार्यान गोन्साल्वीस, अशें समीकरण जाला. मार्यान हाचो हसतमुख सभाव, कश्ट आनी जिद्द हाचे बळार ताणे हे यश मेळयला, अशें उद्गार मानेस्तांनी काडले.
ह्यावेळार एलआयसी अधिकारी, एजंट, वाघवडेचे ग्रामस्थ आनी इश्ट व्हडा संख्येन हाजर आसले.
कार्यावळीचे सूत्रसंचलन राजाराम कंग्राळकर हांणी केले.
11 वे फावटी एलआयसी एमडीआरटी मेळयल्याखातीर मार्यान गोन्साल्वीस हांचो भोवमान
POPULAR NEWS
उजवाड आतां 24व्या वरसांत पावल मारता ही खूब खोशेची गजाल व्हय. 23 वरसांची खडतर वाटचाल, 125 वयर खेड्यांची- शारांची भ्रमंती, 55 रुपयांची वर्गणी वो पटी घेवंक धडपड आनी उजवाडची ज्योत तेवत दवरचो प्रयत्न, घाटमाथो प्रदेशातल्या कोंकणी मनशाचे अस्तित्वा बद्दल गोय आनी सगळ्या प्रिथुमिक जाणवाय करुन दिवप आनी कोंकणी मनशाचो एकवोट घडोवन हाडून कोंकणी भास आनी संस्कृताय थिगोवन दवरप, अशे बहुरंगी- बहुढंगी आनी इतिहासिक कार्य उजवाड वोरवी साध्य जाला.
